Ливерпул го победи новиот германски бундеслигаш Дармштад со 3-1 и со ова Црвените на позитивен начин ги завршија летните контроли пред стартот на сезоната во Премиер лигата.
Мохамед Салах го отвори резултатот во петатта минута, само три минути подоцна Диого Жота зголеми на 2-0. Матијас Хонсак го намали резултатот, а конечните 3-1 ги постави Луис Дијас во 59-тата минута со феноменален гол со пета, и тоа во лет, додека беше свртен со грб кон голот.
Првиот и третиот гол на Ливерпул паднаа по корнери на Доминик Собослаи, па Унгарецот кој дојде летово ќе биде важна алка во синџирот на Јирген Клоп.
Ова е атрактивниот гол на Колумбиецот Дијаз:
https://twitter.com/i/status/1688636292739878912
