Барселона го совлада Алавес со 2-1 во меч од шпанската лига на кој гостите водеа на полувреме со гол во првата минута, а пресвртот го направи Роберт Левандовски со два гола во второто полувреме, од кои победничкиот од пенал во 77-ма минута.
Полскиот голгетер беше критикуван во шпанските медиуми периодов, тој немаше дадено гол уште од 23-ти септември, а вечерва конечно го прекина постот и тоа со два погодоци.
Каталонците одиграа многу лошо во првото полувреме, Алавес имаше прекрасна шанса и за 2-0. Во вториот гол гостите целосно се повлекоа и не го издржаа притисокот. Алавес е еден од шесте тима во шпанската Ла Лига кои сезонава немаат победа на гости.
Ова е мајсторскиот гол со глава на Леви со кој изедначи на 1-1 и го најави пресвртот:
What a header from Lewy to equalise #BarcaAlaves pic.twitter.com/qis9J42W4m
— ArgentineCuler (@FCB_Argentine) November 12, 2023
