Дуелот меѓу Реал Мадрид и Алмерија на кој Кралевите славеа со 3:2 предизвика бура во шпанскиот фудбал, започна „војна“ на релација Мадрид – Барселона, а сега медиумите долеаја масло на огнот.
Медиумите успеаја да дојдат до разговорот меѓу главниот судија, кој ја делеше правдата на мечот кој се играше во октомври минатата година меѓу Барселона и Реал Мадрид (1:2), и судијата во ВАР-собата.
🎙 AUDIO REVISIÓN VAR
🗓️ Jornada 11 | Barça – Real Madrid
‼ El posible penalti de Tchouaméni a Ronald Araújo en El Clásico
🗣 "Le pone la mano por encima, por supuesto, pero nunca, nunca, hay penalti"
😳 "La del agarrón la veo al límite"
🔗 En https://t.co/OGW0AKAWMl pic.twitter.com/Cx1ZEbW54u
— Jijantes FC (@JijantesFC) January 25, 2024
Во фокусот беше дуелот меѓу Орелијан Чуамени и Роналд Араухо кога играчот на Реал Мадрид со две раце го држеше дефанзивецот на Барселона и не му овозможи да дојде до топката, но судијата не досуди пенал за каталонскиот тим.
„Сè на сè, тој го допира, го пушта и скока без негова помош. За мене, тука нема пенал. Завршивме со тоа Хесус. Ги става рацете на него, но тоа никогаш, никогаш не е пенал“, му зборува судијата во ВАР-собата, Гиљермо Фернандес, на главниот судија Хесус Хил Манцано.
Фернандес дури го оневозможил судијата на теренот Хил Манцано да го погледне спорниот момент и со тоа ја оштетил Барселона за пенал, која во тој период водеше со 1:0. На крајот Реал Мадрид победи со 2:1.
Спорниот момент од Ел класико може да го погледнете ТУКА.
