Освојувачот на Лигата на шампионите, Реал Мадрид, денес пристигна во Чикаго, САД, каде ќе ги одигра последните контролни дуели пред почетокот на новата сезона.
Илјадници навивачи се собраа пред хотелот во Чикаго каде ќе бидат сместени фудбалерите на Реал Мадрид и со овации го поздравуваа нивното излегување од автобусот. „Кралевите“ беа пречекани и од бројни новинарски екипи, но не беа расположени за давање на изјави.
https://twitter.com/jdelriomuradas/status/1817730195299749946?ref_src=twsrc%5Etfw%7Ctwcamp%5Etweetembed%7Ctwterm%5E1817730195299749946%7Ctwgr%5E092da25a450e7a955c8f95faddcc2f9b4a65b370%7Ctwcon%5Es1_&ref_url=https%3A%2F%2Fwww.index.hr%2Fsport%2Fclanak%2Fposlusajte-reakciju-amerikanaca-kad-je-modric-izasao-iz-autobusa-u-chicagu%2F2586457.aspx
Реал Мадрид на американската турнеја ќе игра против Милан, Барселона и Челзи, а после враќањето во Мадрид ќе следува и европскиот Супер куп против Аталанта на 14-ти август во Варшава. Само четири дена подоцна ќе започна и шпанската Ла Лига, а во првото коло Реал гостува кај Мајорка.
