Следниот викенд започнува Премиер лигата, што за Ливерпул ќе означи почеток на пост-Клоп ерата. Легендарниот Германец беше заменет со Холанѓанецот Арне Слот, кој првпат ќе го води Ливерпул на гостувањето против Ипсвич, новиот член на англиската фудбалска елита.
Покрај новиот менаџер, Ливерпул на овој натпревар ќе го претстави и новиот грб, кој е променет откако стариот го красеше дресот на клубот претходните 32 години. Новиот клупски грб го содржи само основниот симбол на клубот, Ливерпулската птица (Liver Bird) и кратенката „LFC“.
#Liverpool announce NEW badge! 🤩 #LFC have changed their badge to the Liver Bird for the upcoming season and will use this as their official logo on all social media platforms…!
— CoverFootballUK (@CoverFootballUK) June 24, 2024
What do you think of this change? 👇 pic.twitter.com/fRKDXcTCxy
Од грбот се отстранети приказот на портата на „Енфилд“ именувана по легендарниот тренер Бил Шенкли, двата факли во чест на навивачите загинати во трагедијата на Хилсборо и слоганот You’ll Never Walk Alone.
Причината за промената, според клубот, е дигиталниот маркетинг.
„Новиот грб ќе се користи за претставување на Ливерпул на сите клупски платформи на социјалните медиуми, официјалната веб-страница и мобилната апликација. Ливерпулската птица исто така ќе се користи во дигитален и ТВ-контекст следната сезона во националните и меѓународните медиуми, вклучувајќи ги и телевизиските куќи кои ја пренесуваат Премиер лигата. Повеќе од 86 проценти од посетителите на Liverpoolfc.com и 98 проценти од корисниците на клупските социјални канали доаѓаат од мобилни уреди, па затоа има потреба брендирањето на клубот да биде многу појасно и повидливо на сè помали екрани. Како што е најавено, стариот грб ќе остане на надворешниот ѕид на „Енфилд“ до понатамошно известување“, информираат од клубот.
