Синоќа во Сан Франциско заврши олстар-викендот, а во главниот дел од овој спектакл за победата се натпреваруваа четири тима. Во ист тим играа Никола Јокиќ и Виктор Вембањама.
Јокиќ и Вембањама беа дел од екипата „Глобал старс“, составена од кошаркари што доаѓаат надвор од Америка, а сцена од соблекувалната пред почетокот на натпреварот стана вистински хит.
Јокиќ се изненади кога виде дека Вембањама носи книга во соблекувалната и едноставно мораше да го праша зошто ја купил.
Joker couldn’t believe Wemby brought a book to #NBAAllStar 🤣
— NBA (@NBA) February 16, 2025
The centers lead Chuck’s Global Stars in tonight’s mini-tournament at 8:00pm/et on TNT 🃏👽 pic.twitter.com/tKKx3qxgy2
„Навистина си донел книга?“, го праша Јокиќ, а Вембањама, максимално сериозно му одговори: „Да! Читам пред секој натпревар.“
Потоа следуваше реакцијата на Јокиќ, кој ја стави раката преку очите и почна да се смее, а видеото брзо стана вирален хит на социјалните мрежи.
Тимот во којшто играа Јокиќ и Вембањама во финалето на олстар-турнирот беше поразен од тимот предводен од Шекил О’Нил, за којшто настапија Тејтум, Дурант, Харден, Кари, Лилард, Ирвинг и Браун.
Тие победија со 41-25, а најефикасен беше Тејтум со 15 поени, додека МВП признанието му припадна на Кари, кој постигна 12 поени и имаше четири скока.
Јокиќ постигна само 2 поена за 11 минути на теренот, додека Вембањама беше единствениот расположeн во тимот со 11 поени.
