Шведскиот скокач со стап, Арманд Дуплантис, по 11-ти пат во кариерата постави светски рекорд во оваа дисциплина прелетувајќи на летвичката поставена на 6,27 метри. Дуплантис до рекордот дојде од прв обид.
Ова се случи во салата во Клермон-Феран, Франција. На истото место пред две години Дуплатис прескокна 6,22 што тогаш беше светски рекорд.
Својот прв светски рекорд Дуплантис го постави во 2020 година, а 25-годишниот Швеѓанец сега е недопирлив, урива светски рекорди четири пати во последните 11 месеци, секогаш за по еден сантиметар.
Дуплантис нема да настапи на Европското првенство во сала во Апелдорн, Холандија, па останатите скокачи ќе имаат прилика да се закитат со злато.
Следен настап му е на 13-ти март во Упсала, каде пред домашната шведска публика ќе се обиде да постави нов светски рекорд, а потоа на 21-ви оди во Кина на Светското првенство во сала.
Here is the moment Mondo Duplantis broke the World Record in the Pole Vault with 6.27m in France!!🤯🤯
11 World Records so far in his career!! A LEGEND.pic.twitter.com/WCXfr1qe6I
— Track & Field Gazette (@TrackGazette) February 28, 2025
