Евертон со два рани гола му ја запечати судбината на Вест Хем во последниот денешен меч од Премиерлигата, и дојде до својата прва победа на гостувањето во Лондон од 2017 наваму. Стрелци беа Зума и Бернард. За Бразилецот Бернард, ова беше прв гол на 28 меча во англиското првенство (играше 1.585 минути без да даде гол).
Вест Хем да победеше ќе беше седми, а вака е 11-ти, и падна под Евертон на табелата. На денешните седум натпревари во Премиерлигата, немаше ниту еден нерешен исход.
