Интер ќе му биде домаќин на Јувентус во дербито на Италија, а токму тој пар е во фокусот на прогнозерите на нашата игра Спортска прогноза.
Новото коло е во тек, се типува од вторникот до 15.30 часот во сабота, кога почнува првиот дуел меѓу Хановер и Мајнц во Бундеслигата.
Има уште дузина интересни двојки во новото коло на Спортска прогноза, се игра за вредни награди, а секако во фокусот е големото дерби во Серија А. Или дербито на Италија, како што на Чизмата ги нарекуваат дуелите меѓу Интер и Јувентус.
Гостите од Торино доаѓаат со круната во Милано, не им треба победа, но со неа, особено на „Џузепе Меаца“ титулата е многу послатка.
Интер е во поинаква позиција, со победа речиси сигурно ќе биде дел од Лигата на шампионите следната сезона, а може и да го брка второто место, на кое сега е Наполи.
Дербито на Италија има богата историја, многу приказни, дури и сериозни кавги во Парламентот на Италија, но сега ќе нема некакво посебно резултатско значење за големите ривали, иако битка ќе има. Да се победи на ваков меч е исклучително важно, а досега Јувентус е многу поуспешен.
Старата дама на досегашните 246 меча во сите натпревраувања има 110 победи, 59 пати било нерешено, а Интер се радувал на триумф на 77 дуели.
Во сабота повторно ќе гори „Џузепе Меаца“, Интер ќе има голема поддршка на околу 80 илјади симпатизери, но нема да биде лесно против екипата што доминира во Италија во овој милениум и има најмногу титули во историјата на Калчото.
Покрај тој дуел, има уште 12 интересни двојки за типување во основната програма, или на 13-та во новото коло на Спортската прогноза, а треба да се внимава и да се погодат двата резервни пара, кои важат во трката за Генерален пласман.
Типувајте, забавувајте се со играта што е бесплатна и лесна за играње, а и носи одлични награди во секое коло и во поредокот за Генерален пласман на крајот од сезоната.
Наградите се привлечни, главната е „iPhone XS“, а тука е и мобилниот телефон „Samsung Galaxy A6 2018“.
Има и ваучери од 500 и од 200 денари што ги доделуваат обложувалниците Sport Life.
