Луис Хамилтон е победник на трката за големата награда на Канада иако Британецот не ја помина прв целната рамнина. Себастијан Фетел, кој стартуваше од пол-позицијата, прв ја помина целта, но поради казната од пет секунди која ја доби по еден инцидент токму со Хамилтон во 48-миот круг, не е победник.
Фетел загуби контрола над болидот, излета за кратко, а кога се врати, малку фалеше да го истурка Хамилтон. Стјуардите одлучија дека Фетел е виновен и треба да добие казна од пет секунди. Таа одлука беше во 58-миот круг и веќе на 12 круга пред крајот се знаеше дека Хамилтон ќе победи, иако нема да помине прв низ целта на патеката во Монтреал.
https://twitter.com/F1/status/1137807552991903744
Трет на крајот заврши вториот возач на Ферари, Леклер, кој заостана шест секунди зад Фетел, а кога ќе се одземат пет секунди казна, тоа значи дека заостана една секунда на крајот зад својот клупски колега. На четвртото место заврши Ботас, а потоа низ целта поминаа Ферстапен, Рикијардо…
