МЗТ Скопје Аеродром е убедливо поразен на гостувањето кај Спартак Суботица со 64-98 во полуфиналето на АБА 2 и со тоа заврши сонот на Металците дека може да се вратат во главната АБА лига.
Ова е еден од најтешките порази на МЗТ во последните неколку сезони, вакви дебакли клубот последен пат имаше кога се среќаваше со евролигашите Партизан и Црвена ѕвезда во АБА лигата. Во финалето на АБА 2, Спартак ќе игра против Војводина од Нови Сад.
