Реал Мадрид не дозволи да биде изненаден од Алмерија на стартот на новата сезона во Ла Лига и актуелниот шпански првак победи со пресврт со 2:1 на „Медитеранео“ на првото гостување по цели 8 години.
Клучен за победа беше велемајсторскиот гол на Давид Алаба само што влезе во игра. Австриецот го замени Менди во 74-тата минута и веднаш во првиот допир погоди фантастично од слободен удар за победа од 2:1.
Голот на Алаба во 75-тата минута можете да го погледнете ОВДЕ.
Претходно Лукас Васкес израмни на 1:1 во 61-вата минута, откако домаќините рано поведоа.
Со голот на Ларџи Рамазани во седмата минута, Алмерија водеше со 1:0, а потоа умешно се бранеше.
Реал потоа напаѓаше урагански, изведе дури 12 корнери во првото полувреме, што е најмногу на меч од Ла Лига од 2004 година.
12 – Real Madrid had 12 corners in the first 45 minutes against UD Almeria, their highest total in a first half of a LaLiga game since at least 2003/04. Siege. pic.twitter.com/Af5P5OkkTS
— OptaJose (@OptaJose) August 14, 2022
Премиерниот меч за Реал во Ла Лига имаше и интересна ситуација за историја на Кралскиот клуб.
За првпат стартери за најтрофејниот шпански клуб беа четворица француски фудбалери, Бензема, Менди, Камавинга и Чуамени.
4 – El Real Madrid ha sacado un 11 inicial con cuatro jugadores franceses 🇫🇷 (Camavinga, Tchouaméni, Benzema, Mendy) por primera vez en toda la historia de LaLiga. Marsellesa. #AlmeriaRealMadrid pic.twitter.com/eXRNxK5vyd
— OptaJose (@OptaJose) August 14, 2022
