Левиот бек на Барселона, Жорди Алба, вели дека Алваро Мората би бил добредојден во редовите на шпанскиот гигант доколку голгетерот на Челзи се одлучи да го напушти клубот. Откако произлегоа шпекулациите дека Мората би можел да ја смени средината во јануарскиот преоден рок, тој е поврзуван со Барса и Милан, а неговиот репрезентативен колега проговори околу евентуалната преселба на „Камп ноу“.
„Алваро е играч кој многу го ценам. Веќе неколку години игра одлично. Сепак, на крајот од денот одлуката паѓа на клубот дали тој ќе дојде тука или не. Ако шпекулациите се вистинити, тогаш Мората е добредојден во Барселона, како и секој нов фудбалер“, истакна Алба.
https://twitter.com/goal/status/1073343312642363393?ref_src=twsrc%5Etfw%7Ctwcamp%5Etweetembed%7Ctwterm%5E1073343312642363393&ref_url=https%3A%2F%2Fbleacherreport.com%2Farticles%2F2810768-chelseas-alvaro-morata-would-be-very-welcome-at-barcelona-says-jordi-alba
Шпанскиот напаѓач за кого „сините“ од Лондон исплатија 60 милиони фунти, веќе извесно време не може да ја најде голгетерската форма, а Сари полека го губи трпението со него. Сезонава Мората настапи на 21 средби во сите натпреварувања, на кои постигна вкушно седум гола.
