Младиот албански дефанзивец Мараш Кумбула ќе биде нов играч на Јувентус во следната сезона. Според пишувањата на весникот „Ла Стампа“, Кумбула ќе се пресели во Торино, а за тој трансфер неговиот досегашен клуб Верона ќе заработи 32 милиони евра.
Кумбула сезонава одигра одлични 18 меча во дресот на Верона во Серија А, а иако е дефанзивец успеа да даде и еден гол. Покрај Јувентус, за Кумбула се интересираа и Манчестер јунајтед, Лацио, Наполи, Интер, Челзи и Арсенал, но сепак, самиот играч одбрал да игра за Јувентус.
Договорот со првакот на Италија ќе биде на пет години, а ќе се приклучи на Старата дама по завршување на оваа сезона. Младиот 20-годишен Мараш лани дебитираше за националниот тим на Албанија.
