Вардар 1961 славеше во ракометното суперлигашко дерби против Алкалоид со 34-26 и остана непоразен на свој терен во домашното првенство сезонава. Ова е изедначување на најубедливата победа на Вардар против ривалот во меѓусебните дуели.
Голманот Еспиња со 14 одбрани и Вуко Борозан со 9 гола беа најрасположени кај Црвено-црните, кои му зададоа силен удар на Алкалоид во битката за титулата. Во поразениот тим најефикасен беше Мартин Серафимов.
Во 59-тата минута од мечот, цела сала стана на нозе и со аплауз им оддаде почит на жртвите од трагичниот пожар во Кочани.
Денеска се одигра уште еден меч од првото коло во разигрувањето, ГРК Охрид победи на гости кај Бутел со 22-20. Еурофарм Пелистер утре гостува кај Тиквеш.
