Шпанскиот тенисер Карлос Алкарас во трилер кој траеше речиси три часа извојува победа над Тејлор Фриц во второто коло од групната фаза на завршниот турнир, кој се игра во Торино.
Американецот кој лани беше финалист во Торино го доби првиот сет со 7-6, вториот му припадна на популарниот Карлитос со 7-5, а во третиот Алкарас триумфира со 6-3.
Ова беше многу значајна победа за светскиот рекет број 1. Сега на Алкарас му треба само уште една победа, во третото коло од групата против Лоренцо Музети или подоцна во полуфиналето, за да си го обезбеди првото место на АТП-листата на крајот на 2025 година.
