Карлос Алкараз денеска по втор пат во кариерата ќе излезе на Централниот терен во Лондон, во меч од третото коло на Гренд-слем турнирот Вимблдон. Шпанецот кој е број 1 на АТП листата за противник ќе го има Николас Јари од Чиле.
Јари е на 28 место на АТП листата и пред пет месеци играше против Алкараз. Во полуфиналето на турнирот во Бразил, Јари го доби првиот сет, потоа вториот го загуби со 5:7, а во решавачкиот трет сет алкараз беше убедлив со 6:0. Алкараз веќе размислива и за финалето на Вимблдон и најави дека сака во финалето да игра против Ѓоковиќ.
„Искуството кое го стекнав минатата година ми помага да ја контролирам нервозата. Посебно е чувството да се победи на Централниот терен. Јас чувствувам дека припаѓам таму и подготвен сум да играм уште многу дуели на тој терен. Чувастувам дека можам да бидам уште подобар. Би било неверојатно да играм во финалето на Вимблдон, а уште поубаво би било тоа да биде против Ѓоковиќ. Морам да бидам многу концентриран ако сакам да стигнам до финалето“, рече Алкараз.
