Манчестер јунајтед утре игра меч од Премиер лигата на домашен терен против Барнли, но неизбежна тема беше срамната елиминација на пенали од четвртолигашот Гримзби во Лига купот на Англија.
„Секогаш кога ќе доживееме ваков пораз, јас ќе бидам таков, ќе кажам – понекогаш ги мразам моите фудбалери, понекогаш ги сакам, понекогаш ги бранам, а понекогаш мислам дека не можам да ги одбранам. Тоа е мојот начин на работа и јас ќе бидам таков. Бев многу лут, многу фрустриран. Понекогаш сакам да се откажам, понекогаш сакам да бидам тука 20 години. Понекогаш сакам да бидам со моите фудбалери, понекогаш не сакам да бидам со нив. Ќе биде многу тешко, но мора да се фокусираме на следниот натпревар.“ – рече Рубен Аморим.
„Црвените ѓаволи“ имаат само бод по првите две кола од Премиер лигата, па мечот против Барнли ќе биде одлична можност за прва победа.
