Реал Мадрид во сабота му гостува на Ваљадолид и од нив се очекува нова победа. Карло Анчелоти во пресрет на мечот одговараше на новинарски прашање, а едно од нив беше за Феде Валверде.
„Тој е комплетен и многу важен фудбалер за нас, биејќи може да покрие повеќе позиции. Тешко е да се најде играч како него, а мене ми е тешко да му најдам идеална позиција. Мора да одлучиме што е најдобро за екипата. Никогаш не ми кажува каде сака да игра. Тој е сигурно најкомплетниот фудбалер на светот во моментов. Без проблем може да игра и како стопер.“ – рече Анчелоти.
Валверде во 2016 година беше купен од Пењарол за само пет милиони евра, а сега неговата вредност се проценува на 130 милиони евра. За овие осум ипол години, Валверде одигра вкупно 291 натпревар за Реал со ефект од 29 гола и 27 асистенции, а освои и 14 трофеи.
