Англија на перфектен начин ги заокружи квалификациите за пласман на Светско првенство 2026, откако со 2:0 славеше во Тирана против Албанија, во рамките од осмото, последно коло. За Англија ова беше осма победа и со максимални 24 бодови заврши како прва. Дури и гол-разликата е перфектна затоа што Гордиот албион постигна 22 голови, а не прими ниту еден погодок.
Кој друг, ако не Хари Кејн е човекот на одлука на Англија. По првото полувреме во Тирана немаше погодоци, но затоа Кејн во 74 минута погоди за 1:0 за гостите. Голгетерот на гостите повторно блесна во 82 минута кога зголеми на 2:0 и ги реши сите дилеми околу победникот на овој меч.
Србија се израдува на првиот триумф под водство на новиот тренер Вељко Пауновиќ, откако со 2:1 славеше над Летонија. Изненадувачки, гостите водеа на полувреме со 0.1, Пресвртот на Србија стигна во првите 15 минути од второто полувреме кога прво Катаи израмни на 1:1, а потоа Станковиќ погоди за целосен пресврт и водство на домаќините од 2:1.
Во останатите мечеви кои се играа од 18 часот: Азербејџан – Франција 1:3 и Украина – Исланд 2:0.
