Аргентина во стил на светски првак го прослави пласманот на Светското прввенство 2026, го понижи ривалот Бразил со 4-1 во меч во Буенос Аирес.
Гаучосите уште од далечната 1959 година немаа дадено четири гола против Кариоките на официјален натпревар. Ова е првпат Бразил да прими четири гола во меч од квалификации за СП и првпат во едни исти квалификации двапати губи од ист ривал.
Кај домашните го немаше Лионел Меси, но Аргентинците беа многу мотивирани и веќе во четвртата минута преку Хулијан Алварес поведоа со 1-0. Во 12-тата веќе беше 2-0 кога погоди Енцо Фернандес. Следуваше погодок на Куња за 1-2, но на полувреме се замина со 3-1, откако во листата на стрелци се запиша и Алексис Мекалистер.
Конечните 4-1 ги постави Џулијано Симеоне во 71-вата минута. Аргентина имаше време да даде и петти гол, што ќе беше прва нивна петарда против најголемиот ривал, но не го направија тоа.
Ова е голот на Симеоне кој стави точка на голеадата:
🏆 #Eliminatorias A la carrera y cómo viene, Giuliano ⚽️pic.twitter.com/46HTGJ6lr0
— 🇦🇷 Selección Argentina ⭐⭐⭐ (@Argentina) March 26, 2025
