Јирген Клоп по заминувањето од Ливерпул најави дека нема да работи како тренер и по една и пол година сè уште е така. Неговиот менаџер Марк Косицке вели дека интерес сè уште постои, но Германецот има една желба – да остане тренер што никогаш не добил отказ.
„Челзи и Манчестер јунајтед испратија понуди за Клоп откако го напушти Ливерпул, но тој веќе имаше кажано дека нема да води друг клуб во Англија. Тој интерес продолжува. Тој е многу среќен со тоа што го постигна и сѐ уште е неверојатно да се биде во историјата како еден од ретките тренери кои биле на чело на три клуба и никогаш не биле отпуштени“, вели Косицке.
Неодамна се шпекулираше дека интерес за Клоп има од Реал Мадрид, но Германецот веднаш изјави дека нема да биде тренер на Кралевите.
