Шпанските медиуми веќе неколку недели известуваат дека Барселона сè уште не знае како повторно ќе го регистрира Дани Олмо, бидејќи финансиската ситуација на клубот е далеку од идеална. Каталонците се надеваат на заминување на неколку играчи од првиот тим за да го решат проблемот.
Менаџерот на Олмо, Енди Бара, е добро запознаен со ситуацијата, особено затоа што шпанскиот фудбалер има клаузула во договорот која му дозволува да замине бесплатно во јануари доколку Барселона не успее да го регистрира.
Во Барселона се надеваат дека ќе го решат овој проблем што е можно поскоро за да не го тестираат трпението на Олмо, бидејќи е очигледно дека тој лесно би нашол нов клуб.
Според „El Nacional“, Бара веќе има два клуба од Англија кои се сериозно заинтересирани за Олмо – Арсенал и Манчестер Сити. И двата клуба ја следат ситуацијата и му дале до знаење на Бара дека нивните понуди се подготвени.
Иако Бара веќе го информирал Олмо за интересот од Англија, приоритет на шпанскиот играч останува да остане во Барселона. Тој е подготвен да чека до крајниот рок за регистрација.
Претседателот Жоан Лапорта и спортскиот директор Деко работат со полна пареа за да ја решат регистрацијата на Олмо. Покрај тоа што Олмо е подготвен да чека, нивна предност е и одличниот однос со неговиот менаџер Бара, кој исто така не го крие тоа.
Наредниот период ќе биде возбудлив за Олмо и Барселона, а исходот од оваа ситуација ќе биде интересен за следење.
