Арсенал барем привремено се одлепи на пет бода позитива во однос на Манчестер сити во Премиер лигата, откако Топчиите победија со 1-0 на гостувањето кај Лестер.
Лондонскиот тим даде три гола, но два му беа поништени, па до крај стравуваа дали ќе ги освојат трите бода после кои малку полесно може да дишат, бидејќи имаат пет бода плус, а ист број одиграни мечеви со Граѓаните.
Габриел Мартинели беше човек на одлука, со гол во првата минута од второто полувреме.
Астон Вила го совлада Евертон со 2-0, и ги спушти Карамелите во опасната зона на табелата, затоа што победија загрозените Вест Хем (4-0 против Нотингем форест) и Лидс (1-0 против Саутхемптон) кои го прескокнаа Евертон.
Хави Грасија имаше успешно деби на клупата на Лидс, а победничкиот гол за тимот од Јоркшир го даде Жуниор Фирпо, негов прв погодок после две години (претходниот гол го даде кога беше играч на Барселона).
Ова е голот на Мартинели кој му донесе триумф на лидерот на Премиер лигата:
https://twitter.com/i/status/1629513780312047616
