Англискиот премиерлигаш Астон Вила изненадувачки се вмеша во борбата за потписот на напаѓачот Ромелу Лукаку. Белгиецот се сметаше за сигурно засилување на Наполи, но според сите изгледи, договорот е далеку од комплетиран.
Желбата на фудбалерот е да го облече дресот на „наполитанците“ и повторно да игра под раководство на Антонио Конте. Сепак, Наполи до овој момент не успева да ги исполни условите на Челси – клубот кој ги држи правата на Лукаку.
Во последните часови, интерес за услугите на Лукаку изрази друг англиски премиерлигаш, Астон Вила. Според шпекулациите од Островот, тимот од Бирмингем е подготвен да ги задоволи барањата на Челзи.
Откупната клаузула во договорот на Лукаку е во висина од 44 милиони евра, што засега го спречува неговиот трансфер во Наполи.
