Атлетико Мадрид ќе сака да го поправи впечатокот од првиот меч одигран против Борусија, кога загуби со 4-0 во Дортмунд. „Јорганџиите“ вечерва играат на свој терен и веруваат дека ќе продолжат една убава традиција кога се работи за гостувања на клубови до Германија.
Историјата покажува дека Атлетико ретко губи на свој терен од екипи кои играат во Бундеслигата. Цели 22 години, мадриѓаните немаат пораз пред своите гледачи од германски тим. Интересно е што тој пораз од 1996 година е токму од Борусија Дортмунд. „Милионерите“ тогаш победија со 1-0, а во составот на Атлетико беше сегашниот стратег на Шпанците, Диего Симеоне. Сигурно Симеоне сега ќе постави тактика за да не биде повторно поразен од истиот клуб.
По тој пораз во 1996 година, германски екипи кај Атлетико гостувале осум пати, а билансот е шест победи за Шпанците и две ремија. Победа вечерва на стадионот „Ванда Метрополитано“ ќе значи и многу блиску пласман на Атлетико во нокаут-фазата од елитната лига.
