Ред Бул Салцбург постави нов рекорд денеска и го одигра и 42-от меч по ред на домашен терен на кој постигна барем еден гол, што е историски ефект на шампионот на Австрија.
Популарните Бикови не дозволија ниту една екипа што дојде на последните 42 гостувања на „Ред Бул“ арена да си замине без примен гол.
Денеска рекордот го прославија со голот на Аргентинецот Николас Капалдо во 19. минута во дербито со ЛАСК.
42 – FC Red Bull Salzburg have scored in each of their last 42 home games, setting a new record in the Austrian Bundesliga. Historic. #RBSASK pic.twitter.com/0gousrDwrA
— OptaFranz (@OptaFranz) October 3, 2021
Салцбург во финишот на дербито против ЛАСК води со 3:0 и сигурно ќе ја забележи и десеттата победа на десеттиот меч во новата сезона во австриското првенство, во кое пак е главен фаворит за титуата.
Биковите имаат вкупно 15 шампионски пехари, од нив 12 во последните 15 првенства, а апсолутната доминација трае од сезоната 2013/14 од кога Салацбург нанижа 8 титули по ред.
