Еден Азар нема да биде во составот на Реал Мадрид на вечерашното гостување кај Мајорка, затоа што утрово го доби своето четврто дете, и тренерот Зинедин Зидан му даде слободен ден во кој може да прослави. Одмор ќе добие и Даниел Карвахал кој ќе биде поштеден, а поради повреда, гостувањето кај тимот на Александар Трајковски ќе го прескокнат и повредените Начо, Крос, Модриќ, Лукас Васкес и Бејл.
Од повредените, Марко Асенсио најмногу жали што нема да има прилика да заигра на стадионот на кој се прослави како младинец и од Мајорка се пресели во Реал Мадрид. Асенсио имаше скинати лигаменти и на терените нема да се врати минимум до март.
Во тимот се враќаат левите бекови Марсело и Менди, а првпат сезонава шанса може да добијат Брахим и Маријано Дијас. На листата на кандидати е и младиот Бразилец Родриго, кој не настапил од денот кога дебитираше против Осасуна и даде гол.
Азар нема да патува со останатите играчи на гостувањето на Палма, затоа што стана татко, додека неиграњето на Крос и Модриќ може да отвори простор за Иско и Хамес.