Првиот натпревар од новото издание на Лигата на нации започна со меч од дивизиција „Ц“, во кој се сретнаа селекциите на Азербејџан и Шведска. Гостите од Скандинавија беа поуспешни со 1-3, но долго се мачеа да ја оправдаат фаворитската улога.
Фудбалерот на Њукасл, Александер Исак, беше херојот на Шведска, кој со голови во 65-тата и 71-вата минута донесе убедливи 0-2, а на 0-3 зголеми Гјокерс од пенал во 80-тата минута. Почесниот погодок за Азербејџан беше дело на Дадашов во 82-рата минута.
