Македонската фудбалска репрезентација утревечер ќе гостува во Даблин на стадионот „Авива“ кај Република Ирска во меч кој нема резултатско значење. Ова ќе биде пресметка на двете селекции кои загубија во полуфиналните пресметки од баражите за пласман на Светско првенство.
Македонија и Ирска досега играле шестпати, а противникот е многу поуспешен. Ирците имаат четири победи, еднаш било нерешено, а Македонија има една победа. Нашата селекција трипати гостувала во Ирска и трипати губела (3:0, 1:0 и 2:1).
Според коефициентите кои се понудени во Sport Life, Ирците и утревечер ќе бидат благи фаворити за победа, но и Македонија нема да биде без шанса да изненади. За победа на Ирска „кецот“ се вреднува со 1.71 коефициент, додека триумф на Македонија засега се проценува на 4.70 квота.
Македонските репрезентативци во Даблин нема да играат за некој посебен предизвик од ФИФА или УЕФА, но фактот дека се носи дресот со националните бои јасно е дека сите кои ќе бидат на теренот треба да го дадат најдоброто и да покажат дека има квалитет за Македонија да победува и подоброрангирани селекции од нашата, со што би го прекинале постот кој трае повеќе од четири години, барем што се однесува за таков триумф.
