Баерн Минхен покажува интерес за турскиот играч од средниот ред на Реал Мадрид, Арда Ѓулер, пренесува „Дефенса Централ“. Според изворот, раководството на баварците предложило размена на играчи со Кралевите.
Германскиот гигант се надева дека ќе го донесе чудото на турскиот фудбал, заменувајќи го со 35-годишниот Томас Милер, плус дополнителни финансиски средства. Сепак, претседателот на Реал Мадрид, Флорентино Перес, веднаш ја одбил оваа понуда.
Арда Ѓулер досега одигра 18 натпревари за мадридскиот тим во сите натпреварувања оваа сезона, со скромен ефект од еден гол и една асистенција.
Според порталот „Трансфермаркт“, пазарната вредност на младиот фудбалер изнесува 45 милиони евра, додека Томас Милер е проценет на само 8 милиони евра.
