Баерн Минхен и официјално е старо-нов шампион на Германија, откако пред својата публика го победи Штутгарт со 4-2 и сега има недостижни 15 бода пред Борусија Дортмунд на четири кола пред крајот на Бундеслигата.
За „баварците“ ова е 35-та титула во историјата, до која дојдоа со неверојатни бројки. Баерн има само еден првенствен пораз оваа сезона, постигнаа 109 гола, а примија само 29, по 30 првенствени кола. Нема сомнеж дека статистиката ќе биде и подобра, со оглед дека треба да се одиграат уште четири меча, кои нема да имаат резултатско значење.
⚪️
For this badge, for these colours! ❤️ pic.twitter.com/J5Xcn9gkFh
— FC Bayern (@FCBayernEN) April 19, 2026
Победата против Штутгарт беше најавена уште во првото полувреме, после кое Баерн Минхен имаше водство од 3-1 со головите на Гереиро, Џексон и Дејвис, но гостите први поведоа преку Фурих.
Четвртиот гол за „баварците“ беше дело на Хари Кејн, кој дојде до неговиот 32-ри првенствен погодок оваа сезона.
