Струга славеше со убедливи 0-4 на гостувањето кај Башкими, но според информациите од Куманово, мечот имал и трето полувреме. На видеото може да се забележи дека има мешаница кај клупата на гостите по завршувањето на мечот, но нема официјална информација дали вербалната расправија прераснала и во физичка.
Според дел од медиумите, по натпреварот имало и „заложничка“ драма, бидејќи фудбалерите на Струга биле затворени во соблекувалната, а се чекало интервенција на специјалната единица на МВР за да може безбедно да бидат спроведени надвор од стадионот на Башкими.
Сега на потег е Фудбалската федерација на Македонија, односно Дисциплинската комисија, која треба да го разгледа случајот и доколку навистина имало инцидент, да изрече жестоки казни.
