Одлуката на Баерн Минхен за смена на тренерот Јулијан Нагелсман одекна како бомба, бидејќи беше како гром од ведро небо, и со ништо не се најавуваше такво нешто.
Тренери се менуваат кога тимот има серија неуспеси, а многумина би сакале да бидат на местото на Баерн. Баварците ги добија сите мечеви сезонава во ЛШ, додека во Бундеслигата на 1 април играат дома со Борусија Дортмунд и ако победат, ќе бидат први и во домашното првенство.
Оливер Кан рече дека клубот почнал да се сомнева во „проектот Нагелсман“ и затоа сакале „навреме“ да направат промена. Има шпекулации дека главната причина е врската на Нагелсман со новинарка на „Билд“, весник кој често објавува ексклузиви поврзани со Баерн.
Според клаузула во договорот, Нагелсман и понатаму ќе зема пари од Баерн и тоа дури по 700.000 евра месечно, додека не најде клуб.
