Баерн Минхен многу потешко од очекуваното дојде до планираната победа над Ст. Паули на домашен терен. Иако резултатот од 3-1 звучи убедливо, сепак победата беше обезбедена во судиското надополнување на регуларните 90 минути.
Гостите дојдоа во водство во шесттата минута преку Хунтонџи, а „баварците“ преку Гереро во 44-тата минута израмнија на 1-1.
Кога сите очекуваа дека мечот ќе заврши нерешено, на сцена стапи Луис Дијас со гол во 93-тата минута, а точка на победата стави Николас Џексон со гол во 97-мата минута.
Баерн Минхен упати 19 удари кон противничкиот гол, а само три од нив одеа во рамките од голот и сите завршија во гостинската мрежа. „Баварците“ имаа и 80% од поседот на топката, но и 10 корнери наспроти само два на Ст. Паули.
