Германскиот шампион Баерн Минхен во еден ден договори две засилувања за следната сезона кои на „Алијанц арената“ доаѓаат бесплатно.
Прво засилување е Рафаел Гереиро, кој доаѓа од редовите на најголемиот ривал, Борусија Дортмунд, и тоа како слободен играч откако му заврши договорот по последното коло во Бундеслигата во кое Милионерите останаа без титулата.
Raphaël Guerreiro to FC Bayern is a done deal. Verbal agreement reached on a 3-year contract until 2026. Medical and signature will take place next week [@FabrizioRomano] pic.twitter.com/zwIYJwLnri
— Bayern & Germany (@iMiaSanMia) June 7, 2023
Главен иницијатор за потписот со Гереиро е тренерот Томас Тухел, кој му беше тренер токму во Борусија. Гереиро игра на позицијата лев бек, а изминатата сезона постигна четири гола и имаше 12 асистенции.
Лекарските прегледи се закажани за следната недела, а откако ќе ги помине, Гереиро ќе потпише тригодишен договор.
Второто засилување, кое доаѓа во Баерн како слободен играч, е Конрад Лајмер. И на Лајмер му истече договорот со Лајпциг, а уште пред неколку месеци ги договори сите детали од договорот со Баерн Минхен. Неговата промоција во Минхен се очекува да биде утре.
