Креативецот на Барселона, Филипе Кутињо, ќе мора да паузира до три недели. По медицинските прегледи извршени по мечот со Интер во ЛШ, потврдено е дека Кутињо се здобил со повреда на листот од левата нога, по што му е препорачано да мирува одреден период.
Во меѓувреме, Лео Меси повторно е во полн погон откако ја надмина повредата на раката, но Каталонците останаа без еден од поважните играчи во тимот. Кутињо нема да биде во можност да настапи против Бетис во недела, а секако ќе отсуствува и од репрезентативните обврски, кои почнуваат по овој викенд.
Поголема штета за Барса е што Бразилецот нема да игра против Атлетико Мадрид на 24-ти ноември, додека се предвидува дека ќе се врати во составот за мечот против ПСВ Ајндховен, во рамките од петтото коло во групната фаза во Лигата на шампионите.
