Илаиш Мориба е тинејџерот кој минатата сезона доби шанса да заигра во првиот на Барселона и тоа два дена откако наполи 18 години. Талентираниот Мориба одигра вкупно 18 меча за првиот тим на каталонскиот гигант, а даде и еден погодок во Примера дивисион.
За овој играч од средниот ред се најавуваше дека во новата сезона ќе блесне, но се случува неочекуван пресврт. Челниците на Барселона побараа Мориба да потпише нов договор со Барселона и тоа за помала сума од актуелниот договор.
Тинејџерот одби да му се намали платата, па затоа беше казнет со префрлање во Б тимот на Барселона. Ни по оваа санкција, Мориба не попушти, па сега, најновата санкција е фудбалерот воопшто да не игра фудбал ни за Б тимот и тоа се додека не се сложи за намалување на платата или ќе биде во аут додека не му истече договорот.
За Мориба интерес покажаа Манчестер сити и Челзи, па нема да биде ни чудно ако Барселона реши да го продаде играчот кој може да настрада и да има пад во кариерата, доколку не биде на теренот и не игра.
