Лионел Меси одлучи да не се појави на утрешниот прв собир на екипата на Барселона, ниту пак на медицинските прегледите пред да стартуваат со подготовките во пресрет на новата сезона.
Аргентинецот бојкотира затоа што сака да си замине од „Камп ноу“, а управата не му дозволува лесен излез од катастрофалната ситуација во која се наоѓа клубот. Меси има рок до утре да ја смени одлуката и понеделник да се појави во просториите на спортскиот комплекс, во спротивно Барселона ќе преземе мерки.
Имено, на Меси му следува суспензија од 10 дена без плата доколку не одговори на обврските, додека на месечно ниво може да остане без 7% од месечната плата. Меси заработува по 8,6 милиони евра на секои 30 дена, а клубот може да му скрати до два милиони евра доколку не се појави на првиот собир со оглед на тоа дека казната може да порасне на 25% одземени месечни примања.
