Барселона ова лето не беше премногу активна на фудбалскиот пазар и немаше многу можности за доведување на големи ѕвезди.
Каталонскиот гигант уште има проблеми со финансискиот ферплеј кој не им дозволува да регистрираат скапи фудбалери. Според најавите, оваа непријатна ситуација во Барселона треба наскоро да заврши и во 2026 година се најавува Барселона да потроши 200 милиони евра за доведување на две големи засилувања.
✍❗: Barcelona president prepares €200 million outlay on two marquee signings in 2026 ⤵️https://t.co/jOloKjfhqC
— Barça Universal (@BarcaUniversal) August 22, 2025
Најавите се дека први на листата на желби се Хулијан Алварес од Атлетико Мадрид и Алесандро Бастони од Интер. Алварес веќе подолг период е желба на претседателот на Барселона, Жоан Лапорта и тој треба да биде идеална замена за ветеранот Роберт Левандовски.
Бастони треба да биде засилување во одбраната. Тој може да игра на стоперската позиција или како лев бек. Според актуелната состојба, вредноста на Алварес се преценува на 120 милиони евра, додека Бастони вреди 80 милиони евра.
Барселона летово се засили со голманот Жоан Гарсија, напаѓачот Маркус Рашфорд и 19-годишниот тинејџер Руни Барџи кој игра како десно крило.
