Барселона имаше успешна сезона зад себе во која освои три трофеи на домашната сцена. Каталонскиот клуб едноставно доминираше и ги собра пехарите во Купот на Шпанија, Суперкупот на земјата и во првенството.
Тренерот Ханси Флик е задоволен од составот, но најави дека сепак ќе направи некои играчки промени во летниот преоден рок. Една од главните работи е да се доведе нов голман. Капитенот и еден од најискусните во тимот, Марк Андре тер Штеген е на излезна врата од Барселона, а веќе може да се насети и неговиот заменик.
Каталонскиот гигант наследникот на Тер Штеген го гледа во редовите на градскиот ривал Еспањол, голманот Жоан Гарсија. Контактите веќе се направени, а Барселона е подготвена да плати 25 милиони евра колку што Еспањол бара за предвремен раскин на договорот со голманот.
| : Barcelona are in POLE position to sign Joan Garcia. The club has taken the lead in the race and negotiations are very ADVANCED. [@RogerTorello & @martinezferran] #fcblive pic.twitter.com/Sq6KwI9gka
— BarçaTimes (@BarcaTimes) May 31, 2025
Заминувањето на Гарсија од Еспањол во Барселона сигурно ќе предизвика големи реакции, посебно кај навивачите на Еспањол. За Гарсија се интересираа неколку англиски екипи, но во последен момент Барселона не само што се вклучи во трката, туку стана и главен фаворит за неговиот потпис.
Гарсија би бил прв голман во Барселона, а ветеранот Шчесни треба да биде негова резерва.
