Фудбалерите на Милан излегоа како победници, но само после изведувањето на пенали, против Барселона, иако имаа водство од 2-0 после само 15 минути игра. Јовиќ и Пулишиќ со голови во 10-тата и 15-тата минута најавија дебакл на Барселона, но играта на „каталонците“ се стабилизираше и со двата гола на Роберт Левандовски во 22-рата и 58-мата минута, Барселона се избори за реми против Милан.
На крајот, членот на Серија А победи со 4-3 на пенали на пријателскиот меч кој беше дел од американската турнеја.
Во САД пријателски меч одиграа и екипите на Реал Мадрид и Челзи. „Кралскиот“ клуб беше поуспешен и победи со 2-1 со головите на Лукас и Диас во 19-тата и 27-мата минута, додека почесниот погодок за Челзи беше дело на Мадуеке во 39-тата минута.
