Велс ја исполни зададената мисија, и тоа на најдобар можен начин. Во последното коло ја победи Македонија во Кардиф, и тоа со 7:1, па јасно беше задоволството кое не го криеше селекторот Крег Белами.
Како вистински џентлмен, Белами сепак даде пофални зборови за играта на Македонија во овие квалификации.
„Македонија беше одлична во групата, иако вечерва убедливо загуби од нас. На некои натпревари немаа среќа во овој циклус. Ние бевме одлични, прикажавме офанзивна игра и завидна ефикасност“, рече Белами по мечот во Кардиф.
