Играчот од средниот ред на Реал Мадрид, Џуд Белингам, по Светското клупско првенство ќе оди на операција на рамото, по што би му следувала пауза од 2-3 месеца и тоа значи дека ќе го пропушти стартот на наредната сезона.
Белингам го повреди рамото минатата сезона, на натпреварот против Рајо Ваљекано во ноември 2023 година и оттогаш носи заштитна опрема. Оваа сезона игра со болки, и за да се реши трајно тој проблем, мора да биде опериран и да отсуствува некое време.
Оваа сезона 21-годишниот Англичанец одигра 51 натпревар за Реал Мадрид, постигнувајќи 14 гола и запишувајќи 14 асистенции. Финалето на СКП е на 13 јули, што значи дека Белингам би се оперирал најдоцна во средината на јули и не би можел да игра до октомври.
