Натурализираниот македонски кошаркар Џордан Теодор наскоро и официјално ќе стане член на турскиот прволигаш Бешикташ. Теодор има играно за Мерсин и Банвит, Бешикташ ќе му биде трет турски клуб во кариерата, а во минатата сезона настапуваше за атинскиот АЕК.
Летово Теодор се ожени со својата девојка Тугба Ташчи, со која од поодамна беше во врска. Ташчи од 2008 до 2012 година го носеше дресот на Бешикташ и веројатно таа имала влијание врз договорот на нејзиниот сопруг со „црно-белите“ од Истанбул.
Кога ќе потпише за Бешикташ, Теодор ќе биде третиот странец во тимот кој е турски зет. Покрај него, сопруги Турчинки имаат и Шек Мек Кисик и Немања Ѓуришиќ.
