Жоао Феликс ќе ја пропушти првата осминафинална пресметка против Ливерпул во Лигата на шампионите. Најскапиот фудбалер во историјата на Атлетико Мадрид иако закрепна од мускулната повреда, поради која ги пропушти последните три меча на Јорганџиите, утре нема да биде во комбинација за дуелот кој ќе се одигра на „Ванда Метрополитано“ во Мадрид.
Младиот португалски офанзивец се разболел и денес не бил во можност да тренира, па Диего Симеоне ќе мора да крои план без важниот адут во тешката пресметка против Црвените.
Актуелниот европски првак се враќа на стадионот каде што ја освои шестата титула во ЛШ, кога во јуни минатата година Ливерпул славеше со 2-0 против Тотенхем во големото финале.
