Манчестер јунајтед ја започна потрагата по нов голман откако се раздели со Давид де Хеа, но може да остане без посакуваното засилување бидејќи конкурент им се богатите Саудијци.
Менаџерот на Јунајтед, Ерик тен Хаг, го означи голманот на Интер, Андре Онана, кого добро го познава бидејќи му беше тренер во Ајакс, и веќе се подготвени 50 милиони евра колку што бараат Нераѕурите.
Но, телевизијата Си-би-ес објави дека Јунајтед може да остане со празни раце бидејќи Ал-Наср веќе испратил понуда за Онана откако се повреди првиот голман на тимот, Давид Оспина.
