Македонскиот репрезентативец Бојан Миовски само еден ден откако потпиша за Глазгов Ренџерс беше стартер за својот нов тим во легендарното дерби „Олд Фирм“ против Селтик. Миовски беше топло поздравен од фановите на „Ајброкс“, а одигра повеќе од 70 минути пред да биде заменет од Десерс.
Миовски покажа дека е добро подготвен и во натпреварувачка форма, но немаше големи шанси на дербито со Селтик. Сепак, јасно е дека ќе биде големо засилување за нападот на Ренџерс.
По четири кола, Глазгов Ренџерс има само четири бода, откако ремизираше и четврти пат оваа сезона, додека Селтик има десет бода на врвот.
