Екипите на Бостон бруинс и Калгари флејмс одиграа егзибициски меч во главниот град на Кина, Пекинг, а според посетата на трибините, и хокејот на мраз има потенцијал да стане популарен спорт во Кина.
Ова го потврди и кошаркарот Трејси Мек Грејди, кој беше во „Кадилак арената“ и откако лично се увери во растот на популарноста на кошарката, смета дека и хокејот може да стане популарен во државата со најголем број жители на светот.
Бостон победи со 3:1, Џејк Де Бруск со два гола беше најдобар поединец и прикажа форма како да е среде натпреварувачка сезона во НХЛ, а не подготвителен период. Одличен беше и голманот Тука Раск со 28 одбрани. Во саботата, Бостон на пенали беше подобар од Калгари во Шенџен, а сега имаат 4 победи во четири контролни средби.
