Елката на Лестер во 2024 година се радуваше на трофејот во Чемпионшип во Англија, кога како најдобар тим обезбеди место во Премир лигата. Сезонава на Лестер не му оди најдобро, па моментално е на 17-тото место на табелата, последно кое носи спас од испаѓање.
Интересно е дека Лестер точно пред 10 години бил во уште понезавидна ситуација од тоа што е сега. На католичкиот Божиќ во 2014 година, Лестер беше на последното место во Премиер лигата и под голема опасност да испадне.
Популарните Лисици таа сезона успеаја да се спасат од испаѓање и со одлични резултати во вториот дел од сезоната завршија на 14-тото место на табелата. Тие неколку месеци како да беа најава за тоа што ќе се случува следната сезона.
Во наредната сезона Лестер играше феноменално, па на католичкиот Божиќ во 2015 година беше на лидерското место во англиското елитно друштво. Со тоа што беа први во Премиер лигата, Лестер направи едно божиќно чудо. Никогаш претходно, а никогаш и потоа се нема случено еден клуб кој бил последнопласиран на Божиќ во претходната година, да биде лидер на табелата за Божиќ и тоа само 12 месеци подоцна.
Лестер во таа сезона не само што беше прв на Божиќ, туку на крајот од сезоната ја освои и шампионската титула во Англија, што е едно од најголемите изненадувања во повеќе од едновековната традиција во најсилната лига во колевката на фудбалот.
